csg458.6 CARMEN NUNCUPATORIUM. AD GRIMOLDUM ARCHICAPELLANUM. MANUSKRIPT-LINKS AUSBLENDEN
| 1 | Dulcissimo fratri ac reverentissimo abbati GRIMOLDO RABANUS, vilissimus servorum Dei servus, in Christo salutem. |
| 2 | Hunc ergo ex scriptis confeci rite libellum |
| 3 | Sanctorum Patrum, frater amate, tibi. |
| 4 | Ut quorum celebras festa, tu noveris actus, |
| 5 | Et finem vitae, quo hinc abiere polum. |
| 6 | csg458.7 Sicque bene ipsorum meritis precibusque iuvatus, |
| 7 | Ad coeli regnum laetus et ipse migres. |
| 8 | Quo Deus aeternus, hominum fortissimus auctor, |
| 9 | Cum sanctis temet collocet atque beet. |
| 10 | Vive meae vires, lassarumque anchora rerum, |
| 11 | Naufragio et littus tutaque terra meo. |
| 12 | Solus honor nobis, urbs tu fidissima semper, |
| 13 | Curisque afflicto tuta quies animo. |
| 14 | Sintque licet montes inter cum fluctibus arva, |
| 15 | Mens tecum est, nulla quae cohibetur humo. |
| 16 | csg458.8 Te mea mens sequitur, sequitur quoque carmen amoris, |
| 17 | Exoptans animo prospera cuncta tuo. |
| 18 | Qui mihi te notum dedit et concessit amicum, |
| 19 | Conservet sanum Christus ubique mihi. |
| 20 | Ante solum terrae, coelique volabile cyclum |
| 21 | Praetereant, vester quam quoque cesset amor. |
| 22 | Hocque, Pater, monui, moneo te iterumque mo nebo, |
| 23 | Sis memor ipse mei, sicut et ipse tui. |
| 24 | Ut Deus in terris quos hic coniunxit amicos, |
| 25 | Gaudentes pariter iungat in arce poli. |